Echo vom Pilatus

Hergiswil am See

  

 

An der «Schönenboden-Chilbi» zu Gast, Sonntag, 8. Juli 2018

D'Alpefrindä Pilatus Hergiswil, hend immer am erschtä Juli-Wuche-n-änd ihri Scheenäbodä-Chilbi. Im Zweijahres-Rythmus derfid mier dett allig go d'Jodlermäss singä, de mier sind Kollektiv-Ehrämitglied bi dem Verein. We sich das gherd isch de na Chiles Chilbibetrieb uifcho, wo d'Mälcherbiobä vo Staldä /OW zur Unterhaltig uifgspielt.

Am Neyni am Morge isch Besammlig bim Schwandigadä gsi, wo s'Jodlertaxi due diä choschtbari Fracht a Bord gnu eys der nah i s'besagti Gebiät bracht hed. Dr Hittäwart Sepp Dillier, hed zur Klass eis in Schötz gratuliärd und us dem Grund Kaffee und Gipfili offeriärd. Am halbi Elfi hemmer im Gländ i-gsungä und am Elfi hed dr Pater Josef Barmettler d'Mäss zelebriärd. D'Predig hed är das Mal  derheimä ufem Bürotisch nid la  liggä und zum Thema nid so stur sey Stellig bezogä. Under anderem hed är ai nu vonere Fasnacht z'Giswil verzellt und derbiä erwähnt, dass mier offä sey sellid und nid midem Brätt vorem Chopf  umälaife, de das wirki stehrend und mä gsäch neyd. Na Chile hed's Apero und Zmittag gäh.
Mä hed de s'gmiätlich Zämäsey nu gnossä de Mälcherbiobä Stalden /OW (midem Walti Britschgi, Reto Dall'Omo und Stefan Niederberger)  zueglost und am spetere Namittag hed de s'Jodlertaxi ä Spezialfahrt gamcht und diä gsangsfräidigä Leyt nitzi druis beferdered. 

 

2015 Webmaster Echo vom Pilatus