21. Unterwaldner Naturjodlerkonzert Giswil, Samstag, 18. August 2018

«Bim Juizä sind mier eis» lautete das Motto, dieses Kameradschaftstreffen der Unterwaldner Jodlervereinigung (UJV), in der die 23 Klubs und Gruppen, wie auch die Unterwaldner Alphornbläser und die Fahnenschwinger beider Halbkantone zusammengeschlossen sind. Ä gfräiti Sach, hend da d'Giswiler Jodler underem OK-Präsidium vom Zeno Wolf uf d'Bei gstellt und sind zämä mit 180 Hälfer fir s'Unterwaldner Jodlervolch und rund 1400 Bsuecher ganz ä härzliche Gaschtgäber gsi. Drum gherd sich's ai, dass mä fir diä Fräid de Giswiler Jodler härzlich  dankä seid.

Das musikalische Feyrwärch hed am Abig am Siebni i der Giswiler Kulturhalle und MZH ihre Afang gnu, doch der Bsuecheruifmarsch hed am Feyfi scho agfange. Diä natuirjodlerische Läckerbissä hed mä sich nid la näh und isch trotz Saunatämperatuire «inäghocked» und hed zwe Stund gwarted bis losgangä isch.

S'«Echo vom Pilatus» als eltischte Klub vo derä Institution hed ai teilgnu und isch midem «Klimsähorn-Jodel» uifträttä. «Hend ganz scheen gsunge» hend Rickmäldigä teend. Urgewaltig, idricklich und nachhaltig hed der Gsamtchor teend, wo eppä 500 Jodler «dr Hirsgärtler» vom Ruedi Rymann und «dr Birgästeckler» vom Fredi Wallimann vortreid hend. D'Zuäherer hend nu ä Zuegab wellä wo sie midem «Waldliftler» vom Franz Wallimann ai ubercho hend . Ai d'Alphornbläser und Fahnäschwinger hend ihri Uiftritt chennä bestreytä.

Ä richtigi gmiätlichi Jodlerchilbi isch de verussä aa-zehrd wordä,  mängä Juiz isch gsungä wordä und uf s'Cheli hed mä nid verzichted. Giswil hed's zeigt, dass s'Unterwaldner Jodlervolch dr Natuirjuiz gärä singt und dermit bewiesä: «Bim Juizä sind mier eis». Giswil, dankä tuisig, iär hend de Interpretä und Gescht «Ä Fräidätag» gschänkt. S'isch scheen dass äs Eych gid!!