Echo vom Pilatus

Hergiswil am See

  

 

Festgottesdienst «50 Jahre Mattacherkapelle» Oberwilen, Sonntag, 8. Oktober 2017

In kleinem aber würdigem Rahmen ist dieses Jubiläum gefeiert worden. Pfarrer Josef Brunner zelebrierte die Festmesse und der ehemalige Pfarrer vom Staldä Jost Frei hielt das Predigtwort. Und mier...hend derfä uf Obwaldner Bodä go singä und s'Chilävolch hed eysem Singä zueglost und sich z'lescht mid Applais bedankt.

S'isch e wolkeverhangene Tag gsi dä Sunntig. Je neecher mier dem Uiftrittsort cho sind, je mee hend sich d'Rägäwolke verzogä und mä hed s'Gfihl ubercho, s'chennti ä scheenä Tag wärdä. D'Scheenheitä vo Obwaldä hemmer de s'erschtmal uf der Dachterrassä vom Hotel Wilerbad z'gseh ubercho und hend diä Weytsicht Richtig Brinigpass ai gnossä, bevor mer igsungä hend.
Der Abtransport zu dem Chapili isch de aa-gstandä, Parkplätz sind Mangelwaar gsi und so hed me sich mid dem Platzangebot begniägt und sich am Strassärand nach der Dechi gstreckt.
Na-dis-na sind d'Chilägänger itroffe, s'Chapili hed sich gfillt und mier hend «an erhöhter Lage» uf der Emporä eysi Plätz bezogä und zur Ereffnig der Klimsähorn-Juiz» darbote. Während der Mäss sind de «Herrgott mier stehnd vor Dier», «Dier Herr», «Bärgler-Juiz», und weyteri Gsäng dur eys vorträid worde. Nachere guete Stund hed me sich verussä zum Apero troffe und we das a dr Chilächilbi üblich isch ä gueti Stimmig uifcho uf jedä Fall hed dr «Schnittertanz» ganz gued derzue passed. Eppä am Eis am Mittag hed sich diä Fäschtgmeind  uifgleest und de Rescht vom Sunntig gmiätlich gnossä

2015 Webmaster Echo vom Pilatus