90 Jahre Waser Paul, Donnerstag, 4. September 2025 im Senoirenzentrum Zwyden Hergiswil

Diä ganz Wält weiss nid erscht sitt hit
dass äs der Pail scho 90 Jahr gid
mier hend diä beschtä Glickwinsch uberbrungä
und ihm ganz gärn es Ständli gsunge.

Geischtig regsam isch dä Maa
hed Freid a eysem Singä gha
hed biänem fascht zu Tränä gfiähd
är meind nur: s’hed mich starch beriährd.

Liäbä Pail
Mier hoffid fescht s’meg dier gued gah
dey d’Sangesfreid bleybi bestah
im neywä Läbesjahr wo chund
mid derä Freid all Tag, bleybsch jung und gsund
eso da bleybisch fit und zwäg
und hesch nur luiter Freidätäg.

Es war vielleicht für Paul schon etwas reichlich spät, dass wir ihm erst um 19.30 Uhr auf der Ebene 6 die Aufwartung machten, aber da man (vermuetlich) nur einisch 90gi wird mag me’s verleydä lenger uif z’bleybä. Der Jubilar zeigte sich sehr resistent und in den angeregten Diskussionen vo friächer hed är s’eint und ander Mischterli vo friächer verzellt wo fir Lachsalvä gsorgt hend.
Seys Palmares umfasst folgendi Eggdatä: 1977: Klubeintritt als 2. Bass; 1983 - 1990: Pressechef und Betreuer vom Sponsoring, 1991 Mitwirken im vorberatende Gremium im Rahmen vom Urschweyzer Jodlertag. 1996: OK-Mitarbeit OK 75 Jahre «Echo vom Pilatus», 1997: Ernennung zum Ehrenmitglied, 2002: Jodlerveteranenwürde empfangen. 2006 - 2011: Rächnigsrevisor, 2007: 30 -Jahre Klubmitglied. 2011: nach 34 Diänschtjahrä d’Jodlerkluft a Nagu ghänkt hed.
Mier dankid em rüschtigä Jubilar fir diä gleischet Arbet und hoffid, dass ihm d’Vorsehig nu vieli scheenä, gueti und gsundi Jahr mid vergniägtä Stundä und glicklichi Momänt parat hed. Alles Gueti und viel Gfräit’s!