94. Delegiertenversammlung vom Zentralschweizer Jodlerverband
Das 60. Jodlerfest in Sarnen soll 3000 Aktive generieren und 50'000 Zuschauer anlocken. Der angedachte Systemwechsel ist dem Urschweizer Jodlervolk nicht genehm.
In der Ausserschwyzer Gemeinde Wollerau tagte am vergangenen Samstag, 24. Januar 2015 das Innerschweizer Jodlerparlament. 585 Personen, wovon 399 stimmberechtigte Delegierte waren. Sie bekamen Informationen über das abgelaufene Verbandsjahr und genehmigten die mit negativen Zahlen abschliessende Rechnung.
Wohnliches Wollerau
Mit dem Schiller-Zitat: «Es schwindet jedes Kummers Falten, solange diese Worte walten», begann Ulrich Metzger, der Wollerauer Gem. Präsident seine wortgewaltige aber sehr sympathische Rede und brachte den Tagenden «sein schönes Plätzli», das 6969 Bewohnern (darunter Roger Federer samt Familie) Heimat ist, näher. Das Dorf am oberen Zürichsee wird anno 2017 das 800 Jahrjubiläum feiern und zur Energiestadt erhoben.
Rote Zahlen
Obwohl me huised und dr Batzä zwei Mal trilled hed, isch kei Rändite dinne glägä, im Gägäteil, äs hed ä Verluscht vo ungefähr Fr. 20'300.- uisägluegt. Einzigs Troschtpflaster isch, dass s'Gäld vom Jodlerfäscht Reidä itroffe-n-isch. S'Vermegä beträid Fr. 90'835.- und isch i guete Hände. Fir s'laifendi Jahr isch es Minus vo Fr. 9'500.- vorgseh.
Der ZSJV zellt zur Zeyt 154 Gruppe und 17960 Mitglieder bildid der Eidg.Jodlerverband.
Systemwechsel
Uf dem Traktandum isch kei Sägä glägä. Ahand vonere Konsultativabstimmig hed me de Puls wellä fühle, was s'Volch zunere Mitgliederbeytragserhechig meind. Vorgseh isch, dass d'Klib ä Sockelbeytrag leischtid und d'Mitglieder mid Fr. 18.- ai zur Kassä bättä wärdä sellid. «Diä vom Verband» we's friächer gheissä hed zellt hit nimmä, der Verband sind mier alli. Trotz Briäf a alli Verbandsmitglieder mid begrindete Argumänt, dass der Verband im Hinblick vo der rasante Entwicklig, nu professionelleri und schnelleri Arbet leischte mues und derbiä a d'Gränze vo der Belastbarkeit stosst hed me zur Kenntnis gnu. Mid 146 Ja zu 203 Nei isch diä Abstimmig uisgange. Em EJV-Vorstand blast ä ruichä Wind i s'Gsicht und wird weyterhin fir Gesprächstoff sorge.
«Fyyre bi de Tschifeler vom 26. - 28. Juni 2015»
I feyf Menet und zwe Täg isch Sarnä s'Mekka vo de Jodler, Alphornbläser und Fahnäschwinger. Gmiätlichkeit, Gastfrindschaft, aber ai Kameradschaftspfleg wärdid gross gschriebä. Wohl wichtigschti Rollä wird aber d'Klassiärig spielä. Und wemä denä Uisfiährigä Glaibä schänkä cha, de wird «Sarnä 2015» ä bäimigi Sach, elei scho drum will dr OK-Presidänt gseid hed: Mä trifft z'Obwaldä vieli scheeni Gsichter aa, während derigi z'Nidwaldä ä chley sältener sind oder sey sellid. Mä wird's de gseh und drum nähmid mier d'Iladig «Chemid zue-n-is» gärä aa.
Neue Ehrenmitglieder; Daten
Der Fähndler Fredy Fuchs vo Einsiedlä und der Alphornbläser Paul Frehner us Küssnacht sind i d'Garde vo de Ehrämitglieder uifgnu wärdä. Diä neescht Delegiertäversammlig findet im SPZ Nottwil statt und anä 2017 isch mä in Küssnacht SZ z'Gascht. Mä gherd munklä, dass s'Jodlerfäscht 2019 z'Horw stattfindä sell und s'Eidgenessisch 2020 uf Basel vergäh wärdi. Mä wird gseh und gherä.