Wenn 85 Personen den 70. Geburtstag von Silvia Windlin feiern

Mit einem gemütlichen Fest im Chiläzentrum Hergiswil hat Silvia Windlin, die Dirigentin der Hergiswiler Jodler und der Jodelgruppe Chriensertal, am vergangenen 20. Dezember ihren Siebziger gefeiert. Mier nähmid d’Glägaheit wahr und bedankid eys uf dem Wäg ganz härzlich für Speys und Tank aber ai fir s’Zämäsey und s’gmeinsami Singä.

Eysi Silvia

Äs gäb z’Obwaldä chasch erfahrä
scho sitt vielnä, vielnä Jahrä
ä bsundrs talentiärti Frai
seyg Lehreri und dirigiärä däg sie ai
wenn Chärns duesch sägä, weisch es gley
s’cha numä d’Windlin Silvia sey.

Diä Frai hed Pfiff
der Gsang im Griff
i Sachä Sprach ja das gmerkt jedä
da lehrd mä singend deytlich redä.

Geduld das hed sie das isch wahr
ai wenn diä ganzi Jodlerschar
nid das so macht we sie’s wott ha
sie seid wo durä gid nid na.

Miär alli gratuliärid härzlich hit
sind froh dass sie fir eys ai gid
drum chund’s i eys ai bsundrs glägä
der Silvia härzlich dankä z’sägä
fir all’s wott machsch fir all’s wo gisch
will dui fir eys sehr wichtig bisch
wenn’s dich nid gäbt. das wär ä Gruis
miär g’sächtid mee als ur-alt uis.
drum hoffid mier, mier sind so frey
dui bleybisch nu bi eys…ä chley.