Picknickfreuden mit Einschränkung, Sonntag, 16. August 2026

In leicht abgeänderter Form, vermutlich des überaus warmen Wetters wegen, folgte eine eher bescheidene Anzahl geladener Gäste der ergangenen Einladung. Trotzdem wars gemütlich, denn am leiblichen Wohl fehlte nichts und die Sangesfreude kam auch nicht zu kurz.

Es war vielleicht nicht das Picknick wie man es gerne gehabt hätte, aber erstens kommt es und zweitens anders als man denkt. Die Hitzewelle klang nicht ab und die geprobten Lieder und Juiz für unseren internen Anlass blieben nicht ungehört, aber sie änderten nichts daran, dass es galt dem Erlass des Feuerwehrinspektorats zu gehorchen. S’Aafeyrä vom Holzcholägrill hed miässä uf der Strecki bleybä und derfir hed mä der Gasgrill benutzt, sodass mä diä Steaks, Filets im Darm und weytere Cheschtlichkeitä dett druffä hed la prutzlä. Ai uf diä Art hend sie gmundet.

Reiche Auswahl an Salaten, edle Tropfen und gediegenes Dessertbüffet
De reychhaltigi Apero zur Vorspeys isch i grosszigiger Weys vom Presidänt Philippe und seynere Frai Daniela offeriert worde, das als Dankescheen firä Gsang a ihrem Hochzig.
Was diä zwei a Saläter mitbracht hend isch äs Uisläsä gsi wo’s fir jedi und jedä eppis derbiä gha hed. Hesch chennä Huit und Buich voll ässä, da hed de neyd gfählt
Und erscht d’Tranksami. Es sind sehr edlii Tropfe kredänzt wordä, diä vom Kenner mid Gnuss «g’inhaliärd» worde sind. Und s’Kaffee mid oder ohi heiligs Wasser hed ai chennä gnossä wärdä.
Schliässlich sind ai d’Liäbhaber vo Siässigkeitä nid z’churz cho und das Sortimänt isch dermassä gross gsi, dass mä Einiges vo denä Magächutzeler gar nid hed miässä uiftischä.
Was am Elfi am Vormittag agfangä hed isch de am Namittag am Feyfi langsam z’Änd gangä: Diä Beteiigtä bedankid sich bim Presidäntäpaar und ihrer Ghilfäschaft fir d’Organisation und Durefiährig vo dem familiärä Alass.

Grosses Merci
Liäbi Daniela und Philippe
härzliche Dank fir alles, was dä Tag und s’Zämäsey so gmiätlich gmacht hed und unvergässlich wärdä lad!