Picknick-Freuden im Teufmoos genossen

Erneut haben wir für diesen Anlass einen Termin gefunden, wo wir uns Grilladen, Salätern, edlem Rebensaft und einem fast exklusiven Kuchenbüffet hingeben durften. Wir assen, tranken und fü(hl)lten uns wohl und g’juized hend mier ai.

Wättermässig hätt mes a dem Sunntig, 13. Aigschtä nid besser chennä preichä. Mier sind der Wermi i tiäfere Regionä ä chley uisgewichä und hend im Pistoläschtand scho ai warm gha aber s’isch eister es Liftli gangä, sodass me’s gued verlittä hed.
Gemäss Tagesbefähl (sprich Iladig) isch der Haiptharscht vo de Gescht um diä Elfi itrudled und hed sich em grosszigigä Apero mid Salzstängili und weytere Läckereyä derfä widmä. Gäg diä Zwelfi isch chley Hektik uifcho, will mä s’Steak, s’Gotlett und s’Filet im Darm scho hed wellä ässä, bevor’s uberhaipt grilliärd gsi isch. Geduldig hed mä de zuegwarted bis äs de soweyt gsi isch. Am Appetit hed’s de nid gfählt, mä hed regurächt zuegschlagä bis es gnueged hed.
Viel trinkä bi derä Wermi heisst’s bekanntlich. Das hend mier ai gmacht aber mid Mass, obwohl dä Weysswey (Staatsschreyber-Tropfä) ä uisgezeichetnete Tropfä gsi isch. S’Kaffee mit und ohni heiligs Wasser hed ai scho gressere Absatz gha, derfir hed mä vermehrt Bläterliwasser trunkä. Am Juizä hed’s ai nid gfählt, der eint und ander Juiz und diä Liädli wo mer i der Prob agstimmt hend sind ai dett obä ufem Programm gstandä.
Gäg diä Feyfi isch allgemein uifbroche wordä und sitthär herrscht wieder Rueh, bis de der Pischtoläschtand dur eys wieder bevelkered wird.
Im Organisatonskomitee Heidi plus Heidy, Martin, Toni und dä weytere hälfende Händ gilt es grosses Dankescheen fir diä gmiätlichä Stundä nooch am Huisbärg vo Hergiswil Scheen isch gsi, sodass mä gärä wieder chund