29. Tagung der Militärvereinigung Füs Bat 47 und Geb S Bat 12 (Schitzä 12i) Sunntig, 15. Mai 2022 z'Hergiswil

Kamerade wemmer sey…ai nach militärisch Tagä. Das hend die rund 300 Personä nach 3 Jahrä wieder einsich wellä erläbä. Zerscht isch Gedächtnis mid Chranzniederleggig und Totä-Ehrig gsi. Und dernah hend sie’s im Loppersaal uisgiebig gnossä. Fir eys isch’s ä grossi Ehr gsi, dr muisikalisch Beytrag i dr Chilä und ufem Friedhof derfä z’leischtä.

Reichlich spät wird über dieser Auftritt an dieser Stelle berichtet, aber lieber spät als nie. Nach dem obligatorischen Einsingen an diesem Sonntagmorgen begaben wir uns in der Nähe der Kirche und erwarteten den Einzug der Teilnehmer dieser Messe unter dem Kommando vom Musikverein Hergiswil. Äs hed sich scho gherd, dass mä mid militärischä Ehrä i d’Chilä iziäh tued.
Und wemä im Derbiäsey vom Ängubärger-Abt singä darf de bättäd mä bekanntlich drey Mal. Eysä Uiftritt hed mid «Herrgott mier stand vor Dier» agfangä und isch mid «Dier Herr» fortgsetzt wordä. Der Abt Christian (nid Sebaschtian) hed i seynere Predig vonere neywä Wält gredt, aber ai vom Gärä ha. Schonend hed är druif higwiesä, dass es midere lockere Beziähig undere-n-and nid gmacht seyg. Der gmeinsami Wäg miäss s’Ziel sey. Zur Gabebereitig isch dr «Bätruef-Juiz» vortreid wordä, wo s’Solo vom Bruno einisch mee i-gfahrä-n-isch. Grosses Lob hed ai s’Liäd «Ärntedank» zum Sanctus uisgleest, wo sehr gued aacho isch. Midem «Lopper-Juiz» und «Mit Dym Sägä» isch diä Mäss z’Änd gangä. De hed mä sich ufä Friedhof zur Totä-Ehrig verschobä. Dett hemmer dr «Älggi-Juiz» vortreid. S’isch ä feyrlichä Momänt gsi, wo d’Hergiswiler Muisig «Ich hatt einen Kameraden» sehr würdevoll gspielt hed. Diä Tagende hend sich nachhär i Loppersaal verschobä und miär hend eys im Roggerli es feins Mittagässä gleischted. Und nach dem gmiätlichä Teil hed’s gheissä: Jodlerdetaschämänt Ruhn…abträttä…heigah und der Sunntig gniässä.