Delegiertenversammlung der Unterwaldner Jodlervereinigung, Freitag, 19. November 2021

Erneut durfte das Unterwaldner Jodlervolk Hergiswiler Gastrecht in Anspruch nehmen und seine Tagung in unseren Gemarken durchführen. Im Chiläzentrum versammelten sich die Delegierten und Gäste um den Rechenschaftsbericht der Obmannschaft zu genehmigen. Mä heds gued gmerkt, wieder einisch zämächo und juizä, hed sehr gued tah.

Nachdem diä Versammlig s’letscht Jahr nid hed chennä duregfiährt wärdä - wäg was weiss me ja - und schriftlich abghaltä wordä isch, isch das heyr mid Zertifikationspflicht meglich gsi. Will der Vizeobmann chrankheitshalber gfählt hed, hend seyni Ghilfinnä und Ghilfä a d’Seck miässä und hed das grossartig gmacht. D’Aktuarin, Rahel Rutz, hed d’Versammligsfiährig inne gha.
2021 isch es Jahr zum Vergässä gsi, will nur probed hed derfä wärdä. Diä verschiedenä Klub-Aktivitetä hed me miässä verschiäbä oder absägä. So isch ai s’Jodlerfäscht z’Basel und s’Natuirjodlerkonzärt z’Buochs nid realisiärbar gsi, was mä usserordentlich beduired.
Diä verschiedene Jahresbricht hend Zuestimmig ubercho, genai ä so we d’Rächnig wo es Plus vo ungefähr 900 Frankä uisweyst.
Keini hechä Wällä hend d’Wahlä gschlagä. Mid Fräid hed mä zur Kenntnis gnu, dass i dr Person vom Roman Burri ä neywä Obmann hed chennä gfundä wärdä. Neyä Kassier isch de Jonas Wolfisbärg wordä und de Peter Durrer hed sich als fahnäschwingende Beysitzer la wiederwehlä. Yvonne Rossi heisst diä ney Rächnigsrevisorin. Der Thomas Odermatt isch i d’Gardä vo de Ehrämitglieder uifgnuh wordä.
Fir d’Stiftig «Sammlung Unterwaldner Naturjuiz» hed mä offni Ohrä und ä offni Hand ha und zahlt 2500 Frankä is Stiftigskapital ii. 2023 sell es Natuirjodlerkonzärt durägfiährd wärdä. D’Glaibäbärger Jodler wo de Füfzgi wärdid, hend sich drum beworbä. Diä nechscht DV UJV findet am 18. Novämber 2022 statt, wo isch nu nid bekannt. Mä isch de nu chley zämäghocked, hed Läbchueche und Neydlä gässä und nateyrlich ai nu chley gjuized.