Jahresabschluss bi Läbchueche und Neydlä. Mändig, 17. Dezämber 2018

Geschter, am 17. Dezämber hemmer diä letschti Prob vo dem Jahr gha, sind der nah i gmiätlicher Rundi zämägsässä und hend eys derfä bi Weysswey, Kaffee mit und ohni, Läbchueche, Neydlä, Nissli, Schoggi und dergleychä Huit und Buich voll ässä.  Härzliche Dank all’ denä edlä Spänder vo Speysä und Tranksami.

Diä letschti Prob sie isch verklungä
mid Fleyss hend mier nu einisch gsungä 
sind drinä gkneyled we sich’s gherd
hend neywi Juiz und Liäder glehrd
wo miär s’nechscht Jahr vorträgä dend
am 13. April 2019 im Loppersaal wo mier de brilliärä wend.

Ä gfräitä Abig hed’s druis gäh
Zeyt zum zämähockä demmer näh
wo’s Speys und Trank de z’gniässä  gid
ai Juiz und Liäd sie fählid nid.

Erfolgreych isch fir eys das Jodlerjahr
ohni Fleyss kei Preys das isch ai klar
drum hoffid mier es wärd eys glingä
ai im neywä Jahr erfolgreych z’singä.

Mier weyschid allnä Frind und Jodlerleyt
ä frohi und ai scheeni Zeyt
nähmid sie eso we’s chund
all’s Gueti Eych und bleybid gsund!