Echo vom Pilatus

Hergiswil am See

  

 

Ä Bärg - ä See - was wottsch nu meh?

Nach dem gnannte Motto isch geschter Sunntig, 21. Oktober 2018, z’Hergiswil Älplerchilbi gfeyred worde. Wer jetz gmeind hed im Lopperdorf verstiäng me nid es urchigs Fäscht nach alter Väter Sitte durä z’fiährä, dä hed isch de ganz gwaltig teyscht.  S’Dorf am Bärg und See hesch im Fäschtglanz derfä gseh

Diä geschtrig Älplerchilbi isch bi herrlichem Herbschtwätter uber d'Bihni gange. Vom gherä Sägä lehrd mä zwar leygä, aber das Fäscht hed riesig Aklang gfunde. Viel Leyt hend sich ufem Chiläplatz igfundä, diä Gsellschaft bestuind und sich vo der Frehlichkeit la asteckä und wellä ja fascht miässä derbiä sey. Scho d'Jodlermäss am Morge seyg es Erläbnis gsi, genaiso we der Diakon Pascal Schneller wo dr Wortgottesdiänscht gleitet hed, aber ai s'Fahnäpatepaar Hans Wicki und Lisbeth Zberg, wo das neywi Älplerbanner finanziärd hend. Am Namittag hed sich viel Volch ufem Platz bim Chiläzentrum versammled und uf d'Sprich, wo vom ehemalige Obbirger Lehrer Alois Gabriel verfasst und vortreid worde sind, gwarted. Uisgezeichnet hed är's gmacht der Weysi, diä Spriich reim- und taktsicher gsetzt und mängi verborgni Gschicht sanft uf's Chorn gnu und briähwarm uiftisched. Hit am Mändig isch jetz nu der Älplertanz mid verschiedene Attraktione. Morn redt mä i der Zeytig nu dervo (hit am Zeyschtig isch nu neyd z’läsä gsi) und vom Mittwuch ewäg planged me scho wieder uf d'Älplerchilbi 2020.
(NB: Pascal Paul Schneller entstammt der Verwandtschaft des bekannten Zürcher  Jodelliederkomponisten Hans Walter Schneller. Er ist Präsident und Vorjodler vom Jodlerklub vom Studenland», Wislikofen). 

2015 Webmaster Echo vom Pilatus