Echo vom Pilatus

Hergiswil am See

  

 

Wenn gefreutes Singen spürbar wird

Über dieses Wochenende galt es zwei Auftritte zu bestreiten...dr eint weniger scheen als der ander. Beide hatten es aber in sich und sorgten für Glücksgefühle

Es schien als hätte uns Klubkamerad Alois Würsch «Hammä-Weysi», von dem wir gestern Samstag, 9. Mai in der Dorfkirche Emmetten endgültig Abschied nehmen mussten, alle guten Geister zur Seite gestellt. Fürwahr eine gütige Fügung wie es schien.
Bevor die schlichte Trauerfeier stieg, durften wir Gäste der Ämätter-Muisig sein, die uns ganz spontan zum Znüni-Kaffee lud, bevor sie Probeeinheiten für das bevorstehende  Kantonalmusik-fest in Glarus absolvierten und wir uns in die Kirche begaben.
Pfarrer Walter Mathis und Gemeindeleiter Limacher standen der Liturgie vor und wir durften die musikalische Umrahmung beitragen. S'hed feyrlichi aber ai luschtigi Momänt gä, vorallem due wo dr Markus Limacher uber «eysä Weysi» verzellt hed und dermit fir Schmunzlä und nid Tränä gsorgt hed. Eysä Gsang, isch unverkennbar i-gfahrä und hed uf Tränädriäse drickt, vorallem due wo mier «Ä liäbä Mänsch»  und dr «Bätruef-Juiz» gsungä hend. Ai diä andere Natuirjuiz hend fir Emotione gsorgt und s'Chilävolch be-idruckt.
Dr Aläweys isch nimmä. Im Geischt isch är aber eister under und mid eys. Dä Gsang zu seyner Ehr hed beflügled und gid Zueversicht.

Am «Muettertag isch Jodlermäss» hed's uf der Frontseytä vo eysere Homepage gheissä und ai am hittigä Sunntig hemmer ohni z'blöffä ganz feinä Jodelgsang abliefered was d'Rickmäldigä bestätigid. Warum dass es eso gued gluffä-n-isch chamä spekuliärä.  Ei gwichtigä Grund isch sicher s'Singe i dr Orgele-n-obä, denn im Gägäsatz zum Singä im Chor vorä, cha d'Diräktion Aweysigä gä und dermit diä sängerisch Leischtig mid Dirigiärä optimiärä, was hit der  Fall gsi isch.  Vielleicht hed ai der Alleluja-Pfarrer Bärti Ambaijä zu derä sehr guetä Leischtig beytreid. Är hed alli Regsichter zogä und nach der Predig spontane Szeneapplais ubercho, was mier nach denä glicktä Darbiätigä vo de Chilägänger ai uber cho hend.
Dr Dölf Mettler hed s'Lied «Erhalt üs Gott» vertont wo's heisst: dui Herrgott gisch es d'Stimm zum singä, mier wend drum jodlä dier zur Ehr. Das hemmer hit und drum hed's Fräid gmacht.

 

2015 Webmaster Echo vom Pilatus