Echo vom Pilatus

Hergiswil am See

  

 

70 Jahre Martin Waser

Am gestrigen Sonntag, 22. November 2015, zehn Tage nach seinem wirklichem 70. Geburtstag lud das Geburtstagskind Martin Waser zu seiner Party ins Chiläzentrum, wo im kleinen Kreis gefeiert werden durfte.

Nach reichlichem Apéro durfte um 12.00 Uhr am gedeckten Tisch Platz genommen werden, wo vorerst Weissweincrèmesuppe gereicht wurde. Der Hauptgang in Form von Piccata mit Tomatenspaghetti mundete ausgezeichnet. Damit das sonntägliche Outfit wegen der Tomatensauce keinen Schaden  nahm, hatte der Party-Service Zibung vorgängig hübsche «Lätzli mit Maiächäfer-Emblem» an alle jene verteilt, diä vielleicht sudlä hättid chennä. (Mä hed's gued gseh, d'Ässkultur vo denä glandnä Gescht hed sehr es heechs Niveau uifgwiesä, de praktisch niämer hed im Nachhinein, d'Weschmaschine i Betrieb näh).
Ein feiner Nachtisch (Eierlikörglace mit Orangenscheiben garniert) rundete das Festtags Menu ab. Später durfte auch noch der Geburtstagskuchen gegessen werden.
Und....am Gsanglichä hed's nid gfählt, denn s'eint und ander Liädli oder Juizili isch agstimmt worde, sehr zur Freude der Geladenen.
Alt-Dirigent Alois Gabriel würdigte den Jubilaren mit netten Versen und Chronist Otmar doppelte mit einem Liedli nach der Melodie: Das alte Haus von Rocky Docky nach. Um 16.00 Uhr löste sich die Gesellschaft allmählich auf.
Lieber Jubilar Martin. Empfange herzlichen Dank für die an uns ergangene Einladung, wie auch für Speis und Trank. Unsere besten Wünsche begleiten Dich ins neue Lebensjahr und neue Dezennium. Geniesse diese Zeit heb Sorg zu Dier und lueg der gued.

 Sequenzen aus dem Loblied

Eysä Martin Waser       (Melodie: das alte Haus von Rocky Docky)

Eysä Martin Waser kennt mä nid numä in Hergiswil
fremid Leyt und fremdi Länder, gherid ai zu seynä Ziel
reisä dued är zwar rächt gärä, ja das gmerkt mä-n-allig gley
doch am allerliäbschtä glaibi, duesch dui doch derheimä sey

Refr:       Ja ja dich Martin Waser, dich gid's jetz siebezg Jahr
dui settsch nid elter wärdä, das isch de wirklich wahr
drum Martin Waser bleyb eifach so wett bisch
de bisch mid 100 Jahrä ai nu so zwäg und frisch.

Eysä Martin Waser jodled 43 Jahr z'Hergiswil
und fir s'Echo vom Pilatus leischted är de wirklich viel
seygs als eysä Vizepresi oder seygs im erschtä Bass
Wort und Teen hed är uf sicher, ja uf ihn's  isch de Verlass.

Refr:     Ja ja dich Martin Waser, dich gid's jetz siebezg Jahr...

Eysä Martin Waser schaffed praktisch immer jedi Nacht
är fahrd gärä midem Aito, wo-n-är Zeytigstuirä macht
seygs am Sunntig oder Wärchtig, dass chund ihm de nid druif aa
denn är cha problemlos allig scho um Mitternacht uifstah.

Refr:       Ja ja dich Martin Waser, dich gid's jetz siebezg Jahr...
 

 Eysä Martin Waser schaffed ai als flottä Chilä-Maa
dettä stellid's ihn's als Sigrischt und als Chreyzliträger aa
das macht är de wirklich gärä, will äs fascht kei Arbet gid
numä predigä und taifä, ja das derf är jetz nu nid.

Refr:   Ja ja dich Martin Waser, dich gid's jetz siebezg Jahr
            dui settsch nid elter wärdä, das isch de wirklich wahr
            drum Martin Waser bleyb eifach so wett bisch
            de bisch mid 100 Jahrä ai nu so zwäg und frisch

Eysä Martin Waser isch bekannt als grossä Hasäpuir
är hed zichtet Tablarchueli, und das grad a einer Tuir
derä Viechli hesch jetz nimmä und deys Hobby hesch quittiärd
und will dui hesch chennä ziglä, sind ai d'Hasä pensioniärd.

Refr:    Ja ja dich Martin Waser, dich gid's jetz siebezg Jahr....
        

Eysä Martin Waser miäss i Spital hed mä churzum gherd
är heig a der Achslä scheyns ä sonä Kabelzug abzehrd
ihm chund das de gar nid glägä doch är hed sich gued dri gschickt
de diä Dekter hend das s'Stahlseil wieder gherig zämägflickt.

Refr:     Ja ja dich Martin Waser, dich gid's jetz siebezg Jahr....
           
Eysä Martin Waser fäschted und mier alli feyrid mit
will es Dich dr Martin Waser äbä siebzg Jährli gid
härzlich dankid mier fir s'Fäschtli und mier alli Deyni Gescht
weyschid Dier em Martin Waser eifach numä s'Allerbescht.

Refr:     Ja ja dich Martin Waser, dich gid's jetz siebezg Jahr
            dui settsch nid elter wärdä, das isch de wirklich wahr
            drum Martin Waser bleyb eifach so wett bisch
            de bisch mid 100 Jahrä ai nu so zwäg und frisch.

 

2015 Webmaster Echo vom Pilatus